نصائح قبل شراء سيارة نيسان ليف الكهربائية :
سعة البطارية لسيارة نيسان ليف :
تقل سعة بطارية السيارة مث نيسان ليف مع الزمن والاستهلاك، كل ما كانت السيارة اجدد احسن، بس عشان تعرف سعة البطارية الحالية افحص السيارة على جهاز الكمبيوتر ان توفر وان لم يتوفر انظر الى الشحطات الصغيرة على اقصى اليمين في الداشبورد، مجموع الشحطات 12, اذا كانت السيارة 12/12 شحطة معناته السعة اكثر من 84%.
على اللاغلب تحتاج اتغير البطارية لما توصل الشحطات ل 8/122, لانه وقتها السيارة راح تكون بتمشي أبو 50 كيلو متر بالفل وبتصير مزعجة وغير عملية.
شحن المحطات السريع :
واقصد فيه الDC Portt , مش كل السيارات فيها فتحة الشاحن السريع, هاي هي الفتحة الكبيرة المخصصة لشحن المحطات, صحيح ما عنا محطات شحن كثير في الأردن بس في المستقبل اكيد راح يصير فيفضل تجيب سيارة فيها الفتحتين.شاحن ال 6.6 كيلوواط الداخلي :
للعلم, الشاحن في سيارة الليف بيجي داخل السيارة, الجهاز الي بيجي معها للشحن اسمه EVSEE يعني مجرد وصلة زي ما تقول.سيارات 2011 و2012 الشاحن الداخلي اجا بقدرة 3.3 كيلوواط كحد اقصى.
سيارات 2013 الى 2016 في منها 3.3 وفي منها 6.6, كيف بتعرف؟
موديل S اجا فيه ال 3.3, بس اذا كان فيها فتحة شحن المحطات (DC Portt) بكون فيها شاحن ال 6.6 برضو.
اذا كانت موديل SL او SV اكيد بكون فيها شاحن ال 6.6.
طيب شو بفرق ال 3.3 عن ال 6.6؟ سرعة الشحن, ال 6.66 بشحن بنصف الوقت, بس بحتاج تجيهزات إضافية في البيت, بتحتاج تركب محطة شحن منزلية (Level 2 EVSE 32amp) وبحتاج طبعا تكون التمديدات بتستحمل لحد 32 امبير (2.5 ملم او اكثر), هاي المحطة المنزلية بتكلفك ما بين 500-1000 دينار والله اعلم, طبعا بتقدر تشحن بالوصلة الي بتيجي مع السيارة بس وقتها بتكون تشحن ببطء, يعني الفل أبو 7-8 ساعات.
مضخة الحرارة :
بعض سيارات الليف بيجي فيها مضخة للحرارة, الي بتدفي السيارة خلال فصل الشتاء, فائدة المضخة انها بتستهلك كهرباء اقل من الموديل الي ما بيجي فيه المضخة, كيف بتعرف اذا فيها المضخة؟
2011 و2012 كلهم ما بيجي فيهم هاي المضخة.
2013-2016 موديل S ما بيجي فيهم المضخة.
2013-2016 موديل SV او SL بيجي فيهم المضخة.
وللعلم موديل 20133 وطالع اجت اخف شوي وهذا بخيلها تمشي اكمن كيلو زيادة.
بطارية السحلية (Lizard Batter):
البطاريات بشكل عام بتتأثر بالحرارة كثير وبنقص عمرها بشكل متسارع في الأماكن الحارة, في موديلات 2015 فقط نيسان غيرت كيمياء البطارية وصارت مقاومة اكثر للحرارة والي بدوره بخلي البطارية تعيش معك فترة أطول, بس ما في تغيير على سعة البطارية.وعلى ما يبدو نيسان كانت تجرب بهاي البطارية من 2014 برضو, فبعض سيارات 20144 كان فيها بطارية السحلية بس بشكل غير معلن وما في طريقة تعرف اذا بطاريتك من هذا النوع.
فحص البودي:
للأردن>> لا ينصح بشراء سيارة نيسان ليف بسبب الارتفاع الجنوني لسعر السيارة
ادخل على موقع auctionexport وتأكد ان سعرها في امريكا رخيص وأنك سوف تدفع ثمن البطارية 4500 دينار( يمكنك التأكد من سعرها في الوكالة) بعد 3 سنوات من اقتنائها وبذلك فهي سيارة خاسرة اشتري بنزين وريح راسك ! واغلب السيارات في الاردن فقدت اكثر من 2 بار وهي بالكاد تمشي 90 كيلو متر في الشحنة !
فحص ليف سباي
يتيح لك برنامج ليف سباي معرفة قوة البطارية من خلال شبك قطعة obd 2 في مدخل obd السيارة ,ومعرفة صحة البطارية والمسافة المقطوعة وقوة الامبير وكشف التلاعب بالسيارة لمزيد من التفاصيل حول الليف سباي تابع المقال التاليلو انت ليفاوي شاركنا رأيك بالسيارة في التعليقات ولا تنسى تشارك الموضوع !
بدي رقم للتواصل
ردحذفبارك الله فيك
ردحذفسياره رائعه وبتشجعك تطلع مشاوير اكثر رغم انك بشحنها كل يوم بس للمشاوير الداخليه رووووعة
ردحذف