نيسان ليف اسئلة متكررة عن السيارة الكهربائية

اسئلة متكررة (FAQ

1) كم بتمشي النيسان ليف بالفل ؟

ج: من 70-250 حسب موديل السيارة وسواقتك والظروف زي الحرارة, شوف هذا الرابط للتفاصيل: كم بتمشي النيسان ليف بالفل

2) كم مدة شحن سيارة نيسان ليف ؟

بختلف من سيارة لسيارة بس تقريبا:
على شاحن بقدرة 3.3 كيلوواط = 8 ساعات اذا كانت فاضية تماما.
على شاحن بقدرة 6.6 كيلوواط = 44 ساعات اذا كانت فاضية تماما, هذا شاحن منزلي بتشتريه بكلف 500-1000 دينار وما بفيد كل موديلات الليف, راجع البوستات الأخرى للمزيد.
في المحطات على شاحن ال DC بنصف ساعة بتشحن ل 800%.

3) هل يمكن شحن سيارة نيسان في اي وقت ؟

 اه عادي جدا, ما في داعي تفللها وما في داعي تفضيها قبل ما تشحنها, ان شاء الله شحنتها نصف ساعة خلال النهار عادي.

 وعادي لو تركتها على الشاحن وانت نايم, بس تفلل بفصل لحالو.

4) هل يوجد قطع لسيارة نيسان ليف ؟

 في الحرة في سيارات سكراب فبتلاقي قطع, لسا مش كثير منتشره بس البلد بلشت تتعبى ليفات فاكيد راح يصير في قطع.
 الوكالة برضو بتبيع, فتحو مركز متخصص بالليف وبعتو الفنيين برة يتدربو على السيارات الكهربائية.

5) هل تحتاج سيارة نيسان صيانة  ؟

 السيارة صيانتها قليلة جدا, راح تنسى المكانيكية, ما فيها غيار زيت ولا بواجي ولا قشاطات ولا جير ولا طربة بريك, القطعة المتحركة في السيارة قليلة جدا وبتالي ما بتخرب كثير.
الصيانة الدورية بتضمن بريكات, وما بخربو غير بعد سنين بسبب بريك المحرك ((regenerative braking), المجموعة الامامية, فلتر المكيف, وبعض الأشياء الأخرى, راجع المانيول للتفاصيل.

كم عمر بطارية نيسان ليف  ؟

لما طلعت السيارة نيسان ادعو انه عمر البطارية 10 سنين, على ارض الواقع وخصوصا في المناطق الحارة البطاريات فقدت جزء كبير من سعتها في اكمن سنة, بس مش كلهم, ونيسان كفلت اغلبهم, في 2015 نيسان طورت بطارية اسمها السحلية (lizard battery) مقاومة للحرارة, مش عارفين عمرها الافتراضي عشانها جديدة بس بتوقع تعيش 10-12 سنة.
طيب موديلات قبل 2015 كخ؟ لا طبعا, انا معي 20122 وما احلاها مكفيتني وزيادة, البطارية ما بتخرب فجأه وبصير لازم اتغيرها زي البريوس, بتفقد من سعتها بشكل تدريجي بطيء, بتصير تمشي اقل واقل لما تصير ما بتكفي مشاويرك اليومية بتغيرها.

كم ثمن البطارية النيسان ليف ؟
في الحرة بتنباع مستعمل 12 شحطة ب 1200-17000 دينار غير شامل التركيب, بقولو التركيب ما بكلف كثير.
في اميركا في الوكالة ثمن البطارية السحلية جديدة 5500 دولار, لساتها مش موجودة في الوكالة عنا.
لما تغير البطارية السيارة بتصير زي اكنها جديدة وبتقعد معك كمان 100 سنين بالراحة.

6) كم سعرسيارة نيسان ليف ؟

 7000-13000

7) كم بكلف شحن سيارة نيسان ليف ؟

في البيت راح يكلفك الكيلوواط الواحد ما بين 7-12 قرش حسب الشريحة, انا بشحن على 7 قروش.
الكيلوواط الواحد بمشيك 6 كيلومتر تقريبا.
في المحطات الكيلو واط الواحد بكلف 13.55 قرش.

8) هل يوجد محطات لشحن سيارة نيسان ليف ؟

حاليا بس محطة وحدة, المناصير قبل الداخلية, قريبا راح يفتح على الأقل 15 محطة بنعرف عنهم.

 الحكومة أصدرت قرار بجبر المولات يركبو محطات شحن برضو.

9) هل سيارة نيسان ليف اقتصادية ؟

نعم, اذا بتقارنها بالبريوس مثلا ممكن توفر 1 الف دينار في عشر سنين, الموضوع بحاجه لبحث اكثر بس شوف هذا البوست:

الرابط :

10) كيف عزم سيارة نيسان ليف وسواقتها؟

 جبارة, قومتها خرافية راح تقرط كل صحابك وتقهرهم, راح يتمنو يلمسو الاكزوزت تبعك, استنى, ما فيها اكزوزت, التورك فيها عالي ومن اول ثانية, الطلوع بالنسبة الها غير موجود, الستيرنج كهربائي سلس جدا, وانت بتسوقها بتحس حالك بتلعب بلاي ستيشن.

11) واذا بدي انزل فيها على العقبة؟

ريته يوكلك قرش ان شاء الله.
بس يتوفر محطات على الطريق ممكن تروح فيها وين ما بدك.
و باصات جت VIP ب 166 نيرة, او استأجرلك سيارة وانزل فيها, ما انت موفر أصلا بلاوي.

12) موديلات فئات سيارة نيسان ليف س اس ال اس في s sl sv 

S => SV => SL
ال S بتبلش ب 29000 دولار بالوكالة, ال SL 37000 دولار.
 صعب تحديد شو إضافات كل فئة عشان في نيسان, زي اغلب السيارات بتقدر تشتري فئة واتضيف عليها إضافات, فممكن يصير فيها كثير من إضافات الفئة الي بعدها.
ال S ما بيجي معها بالوضوع الطبيعي فتحة الشاحن السريع تبع المحطات, شاحن ال 6.6  KW المنزلي و دفاية البطارية الي بتوفر عليك شوية كهرباء زيادة في فصل الشتاء وبتزيد المسافة المقطوعة شوي, بس ممكن صاحبها الأمريكي ضافهم كلهم لما اشتراها من الوكالة.
من الإضافات الأخرى في ال SV وال SL اغلبها رفاهية, زي:
جنطات طقع.
اضوية زينون او ليد (LED).
شاشة اكبر.
نظام صوتي متطور.
اربع كاميرات عشان تشوف السيارة وانت بتصف زي اكنك بتطلع عليها من فوق.
كراسي جلد.
اضوية ضباب.
خلية كهروضوئية لشحن البطارية ال 12 فولت.
واذا بدك التفاصيل اقرأ هذا البوست:

الرابط :

13) طيب كيف بدي اعرف فئة سيارتي؟

دور على رقم الشصي (VIN) في:
www.vehiclehistory.com

14) طيب ما بتخوف بالشتاء؟ بخاف اتكهرب

 لا ما بتخوف, بتقدر تمشي فيها بالشتاء وتمشي بالبرك الي في الشوارع, بس جيب معك مايوه احتياط عشان اذا احتجت تدفش سيارة حدا ثاني.
 وبتقدر تشحنها تحت المطر, المدخل معزول تماما, هيك بتدعي نيسان, اذا بدك تتطمن اكثر بس تأكد انه مدخل الشحن مش واصلة شتا اثناء الشحن فقط.

15) بتحتاج تجيهزات خاصة للشحن؟

بتحتاج يكون عندك ابريز فيو ايرث ويكون بستحمل 166 امبير على الاقل, لو العمارة ما فيها ايرث اي كهربائي بركبلك واحد بسهولة.
التمديدات لازم تكون 2.5 ملم على الاقل.
 واذا بدك مش غلط تخلي معك هذا الاختراع في السيارة عشان اذا بدك تشحن في اي مكان ما فيو ايرث.

الرابط 

اذا مهتم تشتري او اشتريت سيارة جديدة, مبروك, 
لاتنسى تعطينا رأيك بالسيارة في التعليقات

Nissan Leaf Club - Jordan