كم بتمشي النيسان ليف بالفل ؟
هذا يمكن اهم سؤال والأكثر انتشارا في موضوع السيارات الكهربائية مثل نيسان ليف والمشكلة في تباين كبير بالمعلومات الي بتناقلوها الناس, والحق معهم عشان في متغيرات كثيرة بتأثر على المسافة.
مثلا الأستاذ حلمي أستاذ تاريخ بسوق وهو مقدم الكرسي على الاخر ومقربط بالستيرنج, طريقه كلها سهلية وعمره ما شغل الكندشن, اسرع سرعة وصلها بحياته 50 وكانت لما وصل مرته تولد في المستشفى, حلمي مثلا السيارة بتمشي معاه 200كلم بالفل.
عقلة شوماخر حالف يمين ما حدا يقرطه اليوم, وكل طريقه طلوع, ومع انه طالع بفانيلا شباح, مشوب ومشغل المكيف وكابس عشان يلحق يشوف حصته وهي بتلقط زيتون, عقلة بتمشي معاه بالفل 70 كلم.
مثلا الأستاذ حلمي أستاذ تاريخ بسوق وهو مقدم الكرسي على الاخر ومقربط بالستيرنج, طريقه كلها سهلية وعمره ما شغل الكندشن, اسرع سرعة وصلها بحياته 50 وكانت لما وصل مرته تولد في المستشفى, حلمي مثلا السيارة بتمشي معاه 200كلم بالفل.
عقلة شوماخر حالف يمين ما حدا يقرطه اليوم, وكل طريقه طلوع, ومع انه طالع بفانيلا شباح, مشوب ومشغل المكيف وكابس عشان يلحق يشوف حصته وهي بتلقط زيتون, عقلة بتمشي معاه بالفل 70 كلم.
طيب انا الغلبان الي بدي اشتري السيارة شو أتوقع تمشي معي؟ عشان اعرف بتوصلني مشاويري اليومية ولا لأ؟ وبرضو كيف بدي اقارن سيارة مع سيارة أخرى, زي مثلا الليف مع الفوكس؟
الحمد لله في هيئة حكومية أمريكية اسمها EPA (Environment Protection Agencyy), هذول بعملو تجارب علمية عشان يعرفو قديش بتمشي السيارات الكهربائية وبرضو عشان يقدرو مصروف السيارات الهايبرد والبنزين, بهدف حماية الطبيعة, وتجاربهم بتكون دائما بنفس المتغيرات قدر الإمكان وبحاولو يحاكو في تجاربهم المواطن الأمريكي العادي, الحلو بالموضوع انهم بجبرو الشركات المصنعة للسيارات يحطو الرقم الي بطلع مع ال EPA على مواقعهم الرسمية.
بعد التجربة الشخصية والي سمعته من الاخوة في المجموعة حسيت انه ارقام ال EPAA بتمثل المواطن الأردني كمان فممكن نعتمد عليها هون.
ملاحظة مهمة: البطارية ما تغير سعتها من 2011-2015, ضلت 24 كيلوواط ساعة, بس المسافة زادت عشان السيارة صارت اخف وعشان السيارة صارت اكثر كفاءة من عدة جوانب, في 2016 نيسان طرحت بطارية 30 كيلوواط ساعة بالإضافة للبطارية ال 24, في 2017 ما ببيعو الا بطارية ال 30 كيلوواط ساعة.
اما سيارات نيسان ليف 2018 فهي تقطع مسافة 240 كيلو في الشحنة الواحدة وبطارية حجمها اكبر وشكل جديد للسيارة .
----- قد يعجبك أيضا
معلومات خطيرة قبل شراء سيارة نيسان ليف الكهربائية