هام جدا جدا لكل شخص مقبل على شراء سيارة تيسلا للتوعية
رح يتم تلحيص بعض الامور بعدة نقاط :
كما لاحظنا موضوع اختلاف الاسعار بشكل كبير فهو بيعتمد بشكل كبير على نظافة السياره ونوع الضربة ونوع الاستخدام خاصة اذا كانت اجار وطريقة الاصلاح والممشى وسنة الصنع ورح اشرح كل نقطة بالتفصيل
١ ) موضوع النظافة مختلف بشكل نسبي وكل ما كانت السياره ضربتها اتفه كانت اغلا كتكلفة على التاجر وانتبه لامور الفحص يعني اهمها الجيدات وبعدين المناطق للهيكل الرئيسية مثل ((شمع ومرشات وجناحان خلفي واهمها جهة الجناح اليسار الي فيه مدخل الشحن او واجهه خلفية ...الخ)) طبعا نحنا هون بنحكي مو على الضربات البسيطة مثل طعج او خدوش بنحكي عن القص او اللحام او المزع او حتى الغيار بهيك مناطق بتأثر بالسعر بشكل ملحوظ.
٢) نوع الاستخدام موضوع جدا مهم يجب معرفة اذا كانت السيارة تعمل لدى شركات سياحية واشهرها ((hertz)) فهو مأثر بشكل كبير بالسعر وللمعلومة فقط ليس بالضروره ان تكون سيئة لكن بس تشوفها سعرها اقل من السوق بألف او الفين هو السعر الطبيعي ليس عرض مميز او سعر حرق و 
و و .... الخ ، ايضا معلومة مهمة يوجد مسمى ((التأجير التمويلي )) لا تعتبر سياحي ولا يؤثر على السعر هو فقط نوع من انواع التقسيط بامريكا مثل ما هو موجود بالاردن لدى شركة نُقل.
و و .... الخ ، ايضا معلومة مهمة يوجد مسمى ((التأجير التمويلي )) لا تعتبر سياحي ولا يؤثر على السعر هو فقط نوع من انواع التقسيط بامريكا مثل ما هو موجود بالاردن لدى شركة نُقل.٣)طريقة الاصلاح طبعا جدا مهمة بأختصار التجار نوعين في نوع الي كل قطعة تالفة بكبها وبركب بدالها وفي نوع حتى لو كانت فتافيت بلزقها وبجمعها على السياره وهون بكون فرق كبير بتكلفة الاصلاح ، وللعلم فقط اوتوسكور لا يستطيع كشف التلاعب بشكل ١٠٠٪ من هل مشكلة لكن يحميك بشكل منيح ومثال على الكلام الي بحكية ( قشره الطمبون ممكن تكون قطعتين من طمبونين من الزباله وملزقة بفايبر واسلاك عشان ما يشتريه ب ٧٠ دينار اصلي بروح بيشتريه ب ٢٠د بكون من الزباله حرفيا جايبو ، او ضو مكسرر كل القواعد وفيه كسور بلزقو بسيليكون وبيجمعو على السياره مع اول غلسه بيعرق وبيفصل ، او واجهه اربع قطع بتكون بربطها باسلاك تربيط وبلزقها بفيبر وبيجمعها على سيارتك عشان ما يشتريها ب ٦٠ د و .. و ... الخ )) وبالنهاي بكون باعك سياره ملزقة بسعر حرق والفرقيه بتدفعها لقدام يا غالي .
حرق والفرقيه بتدفعها لقدام يا غالي .٤ ) الممشى مهم جدا ومؤثر بالسعر لكن بشكل منطقي بنسبة وتناسب مع عمر السيارة يعني بتقسم عدد سنين عمر السياره على الممشى بيطلعلك قديش مشت بالسنه الواحده ومن هون بتقدر تحدد اذا كانت مبالغ بممشاها او لا ، وطبعا معلومة مهمه جدا الممشى القليل جدا بنسبة للسيارات الكهربائية الي عمرها كبير ممكن يكون مخيف احيانا على مثال سياره موديل ٢٠٢٠ تكون ماشية الف مايل هيك بيعطي مؤشر انو السيارة تم تخزينها لفترات اربع سنوات ممكن تضر السياره لانها بحاجة البطارية لتفريغ وشحن من فتره لفتره عشان تحافظ على حركة الالكترونات داخل البطارية بنشاط ومثل ايضا على مستوى بطارية 12v بأي سياره هايبرد او بنزين عند تخزينها لفتره طويله تلاحظ انه خربت لنفس السبب .
٥ ) بنسبة للتيسلا تحديدا سنه الصنع بتأثر بشكل جدا كبير يعني ٢٠١٩ و ٢٠٢٠ يعتبر سعرها اقل بنسبة ٢٠٪ من سعر ٢٠٢١ او ٢٠٢٢ او ٢٠٢٣ وبيرجع السبب لجمركها الاعلا ووجود تقنية ((heat pump)) الي بأختصار حسنت اداء الممشى بالشحنة الواحدة و ايضا تغيير نوع البطارية للافضل وتغيير تقنية الرادار والحساسية من الاجسام المجاورة و و .... الخ.
وخير الكلام ما قل ودل انت كزبون حابب تركب وتنبسط خود بأحسن سعر ضمن المنطق وانبسط واذا بدك سعر قليل واقل من السوق بيترتب عليك ضريبة وممكن تشوفها لقدام وبالنهاي التاجر مستفيد بكل الاحوال انت الخسران الوحيد لانو بعد القبض فش ربط ، وهيك ان شاء الله بكون وصلت الصوره لسبب اختلاف الاسعار من سياره لسياره نفس الموديل ونفس الفحص احيانا عشان تكون فاهم واخوانا التجار سامحوني انا مثلكم بس كل واحد بياخد رزقو وعشان التاجر الي بدفع وبستنظف يبيع والي بيسترخص كمان يبيع بس الزبون حقو يعرف .
اهم مقوله لازم تعرفها انت كزبون انو فش تاجر بيحرق الا وراه عله ولو سعرها اقل من السوق بألف او الفين ومطرر على الفلوس برنه تلفون وحده ببيعها لتاجر ثاني يخليه يستفيد فيها فلا تكون انت (( الضحية )).
ورح اتركم مثال الصور للاصلاح السيئ للتأكد من كلامي قشره طمبون ملزق قطعتين من طمبونين من الزباله بشكل حرفي التقطها بشكل عفوي من تصليح سياره.
منقول من
