السيجال Byd segull بعد تجارب 5 اشهر معي السيارة من شهر 7
العيوب بالسيارة Byd segull
1. بعد سرعة 100 الأبواب بتحسها بدها تطير من مكانها وبتصير ترج
2 . الصنوبرصات ضعيفة وضربت عندي من أول 4 الآف كم بدون حمولة وبدون مطبات ورحت على الشركة حكولي سوء مصنعي
يمكن استبدالها بصنوبرصات تيوتوا كورولا 2013 امامي خلفي
3 . مكيف السيارة ال Byd segull ضعيف جدآ لو قارنته بأي مكيف سيارة من نفس حجمها
4 . مساحة السيارة الأمامية نص الزجاج ما بتوصله بتمسح بس عند السايق
5 . السماعات بال Byd segull صوتهم ضعيف جدآ واللي ورى ما بسمع الصوت منيح لأنه ما في سماعات ورى
6 . ما في فتحات للمكيف بالخلف يعني اللي قدام بالجنة واللي ورى بالنار ههههه
7 . بالغرفة بالخلف ما في ضو يعني اذا بدك تشوف اشي بدك تضوي تلفونك وتصير تدور تقول ورى خارج المركبة
لا ضواو
ولا كندشن
ولا شاحن
ولا اشي
8 . كبسات الزجاج تفتح الزجاج أوتوماتيك اما التسكير لازم تضل ماسكهم ما بطلعوا لحالهم
9 . عجال السيارة Byd segull صغيرة كثير وهذا بكون سهل الأنزلاق وأذا وقعت بجورى لاسمح الله بضرب العجل فورآ
10 . السيارة واطية كثير على الأرض 14 سم ونص وبس تحمل ناس بتوصل 9 سم يعني أرتفاع أربع اصابع فقط
وضربت معي من تحت أكثر من مرة
11. الباب الخلفي في Byd segull لازم كان كهربائي احنا بعام 2024 بس تفتحه للنص وتتركه
بنزل بسرعة 300 وبكون بده ينكسر
12. السيارة Byd segull بتخوف بالزحاليف ومش آمنة ابدآ والبريك بجاوب بعد 3 متر في بعض الأحيان
وسلامتكم
بعض الناس بس يشتري اي أشي أن كان تلفون او سيارة او بيت ويكتشف انه فيه عيب بصير يدافع عنه تقول أنه شريك بالشركة واله حصة فيها
زي جماعة سامسونج وآيفون كل واحد بدافع عن شركة جهازه دفاع مستميت
