عند شراء سيارة نيسان ليف nissan leaf مستعمله

اصدقائنا الليفيين الاعزاء واللي ناوي يصير ليفي
هاد البوست للتوضيح ل شراء سياره كهربائيه مستعمله
#اول_اشي اطلع في السياره فقدها منيح ولازم تكون البارات تبعون البطاريه مش اقل من 11 و  سوقها منيح ولا تخجل من صاحبها لو مشيت فيها مسافات طويله نسبيا واكثر من المعتاد عليه لانو السياره جديده كليا علينا واغلبنا اصلا ما شافها بالشوارع منيح.

#ثاني_اشي خود رقم الشاصي (vin numper) بيكون اما على رخصه السياره او عند باب السائق بس تفتح الباب  وشيك ع موقع سالفج دي بي لازم تكون الضربه خفيفه وما يكون معمول في بوز السياره سلطه فتوش.

#ثالث_اشي بتعطي رقم الشاصي ل اي حد يطلع كار فاكس ب عشر نيرات مش اكثر وبتخليه يفهمك  عليه اذا مش فاهمه.

#رابع_اشي ركز عالمسافه المقطوعه و موديل يعني مش لازم تكون ماشيه كثير شان البطاريه وما يكون عمرها اكثر من 44 سنوات برضو عشان البطاريه.

#خامس_اشي و الاهم انو ما تعتمد ع فحص الشاصي لازم ثم لازم تفحصها يا عند الشركه او عند  كهربائي سيارات فهماااااااان.

لقدام رح نعتمد محلات ل فحص السياره و صيانتها تكون معتمده من قبل الجروب من ناحيه جوده عملهم ودقتهم وكفائتهم ان شاء الله

هاد البوست قابل للتعديل اذا فيه اي خطأاو ناقص معلومه احكلونا عنها ....